Inicio

Benvidos e benvidas ó sitio web do podcast Gurrucho de Vozcast. Somos un pequeno grupo de xente que se xunta para crear un podcast en galego. Falamos de temas que nos gustan e nos interesan. Non temos ningunha pretensión, nin tampouco moita vergoña. Aquí tedes os nosos últimos programas, porén, para ver a lista completa podedes ir ao apartado Podcast.

Gurrucho Watchmen e Ucronías. Podcast en galego Gurrucho de Vozcast

Falamos da banda deseñada maquinada polo guionista Alan Moore e o debuxante Dave Gibbons, Watchmen. Un mundo no que os xusticieiros disfrázanse para loitar contra o crime é o punto de partida desta obra mestra no seu eido. Tamén falamos de ucronías, esas visións dun presente que puido ter sido se un acontecemento histórico resultase ser distinto.
  1. Gurrucho Watchmen e Ucronías. Podcast en galego
  2. Gurrucho Vikings e Viquingos. Podcast en galego
  3. Gurrucho Verhoeven e Distopías. Podcast en galego
  4. Gurrucho Nolan e Mente. Podcast en Galego
  5. Gurrucho The Witcher e Maxia. Podcast en galego

 

Gurrucheiros

Gurrucheiros na faena

 

Podcast

Cada mes sacamos un episodio ou dous do noso programa e neste blog podedes atopar todos os podcast en galego que imos publicando en ivoox, podgalego e anchor. Tamén publicamos algúns anacos interesantes dos mesmos e artigos relacionados cos temas que tratamos. Os temas que tocamos son variados, case sempre adicando un programa a un xénero ou concepto xeral, e a unha obra ou autor particular. Así, por exemplo, se falamos de fantasía épica en xeral, adicámoslle un bloco a un autor ou obra de fantasía épica, non sei, por exemplo… Tolkien?

Tráilers

Na sección de Tráilers podedes atopar pequenos anacos de series que propoñemos á TVG3 para que poidan ampliar o seu catálogo, non tanto de series, se non de xéneros de ficción, que ben poucos traballan. Distopía, aventura, ciencia ficción, vampiros, zombies, fantasía… temos de todo, pasen e miren!

Música

No apartado de música temos enlaces a Spotify das canción que creamos nós mesmos para eses tráilers que facemos. Tentan absorver o espírito dos xéneros que representan, e coido que algunha igual o consegue e todo. Teñen licencia Creative Commons, polo que son descargables e usables para quen lle interese. 

Rol

Hai outra sección para rol, xa que cando lle adicamos un programa a esta disciplina creamos un xogo coa súa historia e regras. O material que usamos está dispoñible nesta páxina.

Por último temos un apartado de contacto por se queredes enviarnos algúnha mensaxe con algunha   suxerencia, comentario ou un simple saudo.

 

2021-06-30T19:24:00

  days

  hours  minutes  seconds

until

Gurrucho Vikings