Adicado ós marxinados que teñen que fumar moi ó seu pesar.
1
Os cinco turbofiltradores facían soar a súa mononota sen descanso. Son bos para o teu país, rezaban os carteis de fisiopropaganda. A Leo non lle gustaba o seu aspecto enxordecedor, cos seus neóns fucsia dispersando a súa luz na noite opaca de Vigocidade. Prefería a tradicional propaganda telepática, coas súas rimas asonantes de inxenuos pareados.