Un texto inédito de Franciscus Al Pharoo.
– Para que lado tirará un superheroe galego?
– Depende.
– A súa condición de superheroe vai sempre ligada a combater o mal? En caso de dúbida existencial, necesariamente a alternativa debera ser pasar ao outro lado, ao dos viláns?
– Home, así polas bravas, non sei eu.
– Polas bravas?
– Quero dicir, que pode elixir o camiño do centro antes que simpatizar co inimigo, digo eu.
– Do centro? En plan Ciudadanos?
– Non, nese plan non, con algo de ideoloxía, é dicir, xustificando dalgunha maneira o cambio.
– Xustificando o cambio? E como fai? Chama ao xefe… Boas xefe, mire, é que despois de vinte anos ao servizo dos bos e necesitados, agora mesmo víñame ben un cambio de aires…
– Os superheroes non teñen xefes.
– Dirás os superheroes en solitario, porque hai grupos, por exemplo os catro fantásticos. Terán que ter un xefe.
– Bueno carallo, eses xa non se sabe se son catro ou vinte. Ademais a quen vas xuntar aquí para facer de superheroe? A catro non xuntas nin para a partida.
– E como lle queres chamar a ese súper galego?
– Non sei. Ghavotaatómica?
– Chámalle Cormomán.
– Cormomán? Pode valer.