En col do hidromel (unha receita)

HIDROMEL DE AMORODOS (19L)

Obviamente isto non son amorodos. Non é o que parece…

     Para facer hidromel deben seguirse as recomendacións xerais de limpeza e desinfección ás que os fabricantes de cervexa caseira están acostumados. As principais diferencias, sen embargo, son as seguintes:

– Non se quenta o mel: trátase en frío. Como moito quéntase suavemente en baño María o fondo dos tarros para verquelo con facilidade.

– Aireación: realízase durante a fermentación primaria, durante os primeiros días.

– Tempo de traballo: é moito menor.

– Tempo de fermentación: tarda moito máis ca unha cervexa. Uns catro ou cinco meses son recomendables antes de embotellar.

– Carbonatación: nesta receita non queremos gas, polo que non se fai ningún engadido de zucres fermentables a posteriori.

– Embotellado: usamos botellas de cervexa con chapas e botellas con peche automático. A pesar de que non hai carbonatación, non é recomendable usar botellas de viño. No hidromel a fermentación é moi lenta, e se non engadimos conservantes (por exemplo: sulfitos) poderían estralar se se dese o caso de que a fermentación se reactiva nas botellas.

Ingredientes:

– 5 kg de mel (só con mel caseiro ou con Denominación de Orixe)

– 2 kg de amorodos. Tamén valen: framboesas, grosellas (valen conxeladas)

– 40-50 g de lúpulo (enteiro, fresco) aromático (un que dea sabor afroitado vale)

– 2-3 L de zume de ameixas (ou de outra froita saborosa)

– 15 L de auga

– Extracto de lévedo, pasas, mandarinas, mazás…

– Lévedo Lalvin EC-1118

– Precultivo (starter): 2 mazáns, 1 mandarina, 1 laranxa, 1 Cull. de pasas, 1 cull. de extracto de lévedo. Nun cazo férvese 1 vaso de auga. As pasas escáldanse e engádese a froita licuada. Cando a temperatura baixa ata uns 35-38 ºC, inocúlase o lévedo deshidratado. O starter incúbase 4-5 horas.

– Tomas de nutrintes: 1 Cull. de pasas, 1 Cull. de extracto de lévedo (pode levar te pakistaní negro), zume de froita. Ás 0, 24, 48, 72h e ós 4-5 días.

– Aireación: primeiros 4 días, un par de veces ó día.

PREPARACIÓN:

     A 1ª fermentación realízase nun recipiente amplo, coma os caldeiros de plástico usados para facer cervexa.

Verquendo o mel

     Preparación en frío: mesturamos o mel coa auga e aireamos vigorosamente. Só para axudar a sacar o mel dos tarros, póñense nun baño María suave 2-3 minutos. É importante que o mel non suba dos 25-30ºC!

Aireando sen medo

     Engadimos as froitas e o lúpulo: mellor se van nunha gasa ou saca de tea (coma a rede para cocer legumes). Desta maneira evitamos que se atasque a billa durante o trasfego.

     Inoculamos co starter e engadimos a primeira toma de nutrintes.

Os nutrintes: extracto de lévedo de cervexa, pasas, te, zume…

     Temperatura de fermentación: nin moi baixa nin moi alta! Que non baixe de 10-15ºC e que non suba de 25-30ºC

     Densidade inicial= con esta proporción vai ser de 1080-1100

     Tempo de fermentación: 4 semanas

    Transcorrido un mes, trasfegamos o hidromel. Nesta segunda fermentación usaremos un fermentador de cristal duns 20L.

Non se mira, pero abaixo hai un botellón de 20L

A densidade xa debería ter baixado considerablemente, e poderán apreciarse os sabores e aromas a mel, froitas, lúpulo…

A partir de agora hai que agardar: pódense facer máis trasfegos para limpar o hidromel e reducir os pousos. O embotellado non debe facerse antes dos 4 ou 5 meses desde o comezo do proceso.

Beber con moderación!

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s